Çdo vit, numri i rasteve të reja me kancer të gjirit është më shumë se dyfishi i rasteve të reja të kancerit në çdo tjetër organ.

Studimet nga Agjencia Ndërkombëtare për Kërkimin mbi Kancerin (IARC) tregojnë se një e treta e të gjitha rasteve me kancer të gjirit në Europë mund të parandalohen duke mbajtur një stil jetese të shëndetshëm. Kjo do të thotë se 192,000 nga 576,300 rastet e reja të kancerit të gjirit që regjistrohen çdo vit në rajonin e Europës sipas OBSH mund të shmangen.

Rritja e numrit të rasteve me kancer të gjirit mund të lidhet me ndryshimet në stilin e jetesës, shtimin e mënyrës së jetesës sedentare, shtimin në peshë dhe obezitetin, si dhe me ndryshimet sociologjike, si mosha më e madhe në lindjen e parë dhe ulja e numrit të fëmijëve që lindin gratë. Gjithashtu, kjo rritje mund të lidhet me përmirësimin e metodave të zbulimit të hershëm.

Ekziston gjithnjë e më shumë dëshmi se zgjedhjet e shëndetshme të stilit të jetesës mund të ulin rrezikun e kancerit të gjirit.