Gratë që kanë pasur kancer të gjirit duhet të angazhohen në ushtrime të rregullta dhe të moderuara për të paktën 30-60 minuta në ditë.

Ka prova të qëndrueshme nga studimet observuese që aktiviteti fizik lidhet me uljen e vdekshmërisë specifike nga kanceri i gjirit. Studimet tregojnë se ushtrimet për të paktën 2.5 orë në javë zvogëlojnë mundësinë e rikthimit të kancerit të gjirit dhe vdekshmërisë.

Faktorët e stilit të jetesës për të reduktuar rrezikun e rikthimit: Paneli i St. Gallen mbështeti përdorimin e një regjimi ushtrimesh dhe humbjen në peshë (ose të paktën shmangien e shtimit të peshës). Nivele të larta aktiviteti fizik mund të përmirësojnë mbijetesën tek gratë postmenopauzale me kancer të gjirit, madje edhe tek ato që kishin raportuar nivele të ulëta aktiviteti fizik para diagnozës.

Aktiviteti fizik gjithashtu mund të ndihmojë në lehtësimin e efekteve anësore të kancerit, si lodhja, dhe të ndihmojë në parandalimin e limfodemës, për shembull. Një metaanalizë sugjeroi se ndërmjet mbijetuesve të kancerit të gjirit që marrin terapi hormonale, një kombinim i ushtrimeve aerobike dhe të qëndrueshmërisë ka pasur efekte pozitive në aftësinë kardiovaskulare dhe dhimbjet, megjithëse kërkohen më shumë studime të cilësisë së lartë.

Në këtë drejtim, një projekt në vazhdim është duke shqyrtuar rolin e ushtrimeve tek gratë me kancer të gjirit në faza të avancuara. PREFERABLE (Projekti për Ushtrime për Eliminimin e Lodhjes në Kancerin e Gjitit të Avancuar për të Përmirësuar Cilësinë e Jetës) ka për qëllim të gjenerojë prova të forta dhe përfundimtare mbi efektin e dobishëm të ushtrimeve të strukturuara dhe individualizuara për efektet anësore të kancerit dhe cilësinë e jetës së pacientëve.

Për më shumë informacion: https://www.h2020preferable.eu